لاہور: (دنیا نیوز) بلاول بھٹو زرداری کوٹ لکھپت جیل میں شہباز شریف سے ملاقات کیلئے روانہ ہو گئے جہاں ان کی والدہ شمیم بیگم کی وفات پر تعزیت کریں گے، حمزہ شریف بھی ملاقات میں موجود ہوں گے۔
موجودہ سیاسی صورتحال کے تناظر میں شہباز، بلاول ملاقات اہمیت اختیار کرنے لگی۔ بلاول، شہباز شریف سے پی ڈی ایم کے فیصلوں پر تبادلہ خیال کریں گے اور استعفوں کے معاملے پر ان کی رائے بھی دریافت کریں گے۔
ذرائع کے مطابق چیئرمین پیپلز پارٹی، شہبازشریف کو سابق صدر آصف زرداری کا پیغام بھی دیں گے۔ دوران ملاقات لانگ مارچ اور استعفوں کے حوالے سے بھی مشاورت ہو گی۔
واضح رہے کہ شہباز شریف اور آصف علی زرداری مفاہمتی پالیسی کے بارے میں ہم خیال سمجھے جاتے ہیں۔
