کراچی: (دنیا نیوز) پاک بحریہ نے بحری مشق امن 21 کا خصوصی نغمہ امن کی پکار جاری کر دیا۔ نغمہ اردو اور انگریزی زبانوں کا امتزاج ہے۔
ترجمان پاک بحریہ کا کہنا ہے کہ پاکستان نیوی نے کثیرالملکی بحری مشق امن 21 کا خصوصی نغمہ امن کی پکار جاری کر دیا۔ بحری مشق امن 21 کا یہ خصوصی نغمہ اردو اور انگریزی زبانوں کا امتزاج ہے۔ نغمے میں امن پسند ممالک کو امن کے مشترکہ مقصد کیلئے ایک پلیٹ فارم پر یکجا ہونے کا پیغام دیا گیا ہے۔
#PakNavy released a song #CallofPeace on special occasion of Multinational Naval #ExerciseAMAN2021. Song carries powerful msg of peace & resolve 4 collaborative approach. Around 45 countries are participating in AMAN-21 under the slogan #TogetherforPeacehttps://t.co/YC98LYuurA pic.twitter.com/uwSVAwpdf0
— DGPR (Navy) (@dgprPaknavy) February 11, 2021
ترجمان پاک بحریہ کا کہنا ہے کہ خصوصی نغمے میں دیگر بحری افواج کو قیام امن کیلئے پاک بحریہ کی کاوشوں کا ساتھ دینے پر خراج تحسین بھی پیش کیا گیا ہے۔ نغمہ پاک بحریہ کے امن کیلئے ہمہ وقت حاضر رہنے اور امن کے فروغ کیلئے دنیا بھر کے ممالک کو خوش آمدید کہنے کے عزم کو اجاگر کرتا ہے۔
