اسلام آباد: (دنیا نیوز) سینیٹ انتخابات کیلئے پی ٹی آئی کے امیدواروں کے نام فائنل کر لئے گئے۔ وفاقی وزیر فواد چودھری نے کہا ہے کہ پنجاب اور خیبرپختونخوا سے باقی نشستوں کا اعلان بعد میں کیا جائے گا۔
وفاقی وزیر سائنس اینڈ ٹیکنالوجی نے امیدواران کا اعلان سوشل میڈیا پر کیا۔ حکمران جماعت کی جانب سے عبدالحفیظ شیخ اور فوزیہ ارشد اسلام آباد سے، فیصل واوڈا سندھ، ٹیکنو کریٹ نشست پر سیف اللہ ابڑو اور بلوچستان سے عبدالقادر کا نام فائنل کیا گیا ہے۔
سندہ سے فیصل واڈا سینٹ کا الیکشن لڑیں گے اور ٹیکنو کریٹ نشست پر سیف اللہ ابڑو تحریک انصاف کے امیدوار ہوں گے۔ جبکہ بلوچستان سے عبدالقادر کا نام فائنل کیا گیا ہے
— Ch Fawad Hussain (@fawadchaudhry) February 12, 2021
پنجاب سےسیف اللہ نیازی، ڈاکٹر زرقا اور بیرسٹر علی ظفر امیدوار ہوں گے. خیبر پختونخوا سے شبلی فراز، محسن عزیز، دوست محمد، ثانیہ نشتر اور فرزانہ شامل ہیں۔ پنجاب اور خیبر پختونخوا سے مزید امیدواروں کا اعلان بعد میں کیا جائے گا۔
خیبر پختونخواہ سے شبلی فراز، محسن عزیز، دوست محمد، ثانیہ نشتر اور فرزانہ کا نام حتمی فہرست میں شامل کیا گیا ہے باقی نشستوں پر اعلان بعد میں ہو گا۔
— Ch Fawad Hussain (@fawadchaudhry) February 12, 2021
