کراچی: (دنیا نیوز) کورونا کے بڑھتے کیسز کے پیش نظر سندھ حکومت نے صوبے میں جزوی لاک ڈاؤن کا اعلان کر دیا۔
ترجمان سندھ حکومت مرتضی وہاب نے سماجی رابطے کی ویب سائٹ پر ٹویٹ کرتے ہوئے کہا کہ سرکاری دفاتر میں 20 فیصد ضروری سٹاف کو بلایا جائے گا، تمام سکولز، کالجز اور یونیورسٹیاں بھی بند رہیں گی، انٹر سٹی ٹرانسپورٹ کو 29 اپریل سے بند کر دیا جائے گا۔
All #SindhGovt offices shall operate with an essential staff of 20% only. All schools, colleges & universities shall also remain closed due to the rising number of #COVID19 cases
— Murtaza Wahab Siddiqui (@murtazawahab1) April 26, 2021
Inter city public transport will be closed from 29th April in the province of #Sindh
— Murtaza Wahab Siddiqui (@murtazawahab1) April 26, 2021
مرتضی وہاب کا کہنا تھا کہ لوگ ایس او پیز پر عمل کریں، ماسک پہنیں، صورتحال تشویشناک ہے، لوگ ذمہ داری کا مظاہرہ کریں، لوگوں نے ذمہ داری سے کام نہ لیا تو حکومت سخت فیصلے کرے گی۔
I wish people were actually following SOPs and had been wearing MASKS. Situation is very alarming & Govt may have no other option but to take stricter decisions if people dont act responsibly
— Murtaza Wahab Siddiqui (@murtazawahab1) April 26, 2021
دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 70 افراد جاں بحق ہوگئے، جس کے بعد اموات کی تعداد 17 ہزار 187 ہوگئی۔ پاکستان میں کورونا کے تصدیق شدہ کیسز کی تعداد 8 لاکھ 452 ہوگئی۔
گذشتہ 24 گھنٹوں کے دوران 4 ہزار 825 نئے کیسز رپورٹ ہوئے، پنجاب میں 2 لاکھ 90 ہزار 788، سندھ میں 2 لاکھ 78 ہزار 545، خیبر پختونخوا میں ایک لاکھ 14 ہزار 77، بلوچستان میں 21 ہزار 743، گلگت بلتستان میں 5 ہزار 258، اسلام آباد میں 73 ہزار 450 جبکہ آزاد کشمیر میں 16 ہزار 591 کیسز رپورٹ ہوئے۔
ملک بھر میں اب تک ایک کروڑ 15 لاکھ 88 ہزار 932 افراد کے ٹیسٹ کئے گئے، گذشتہ 24 گھنٹوں کے دوران 50 ہزار 161 نئے ٹیسٹ کئے گئے، اب تک 6 لاکھ 94 ہزار 46 مریض صحتیاب ہوچکے ہیں جبکہ 4 ہزار 862 مریضوں کی حالت تشویشناک ہے۔
پاکستان میں کورونا سے ایک دن میں 70 افراد جاں بحق ہوئے جس کے بعد وائرس سے مرنے والوں کی تعداد 17 ہزار 187 ہوگئی۔ پنجاب میں 7 ہزار 990، سندھ میں 4 ہزار 599، خیبر پختونخوا میں 3 ہزار 134، اسلام آباد میں 665، بلوچستان میں 232، گلگت بلتستان میں 105 اور آزاد کشمیر میں 462 مریض جان سے ہاتھ دھو بیٹھے۔
