مسجد چنیوٹ کے مرکز میں سن 1646 میں تعمیر کی گئی۔ سنگ مرمر، چنیوٹی سنگ ابری اور چھوٹی لال اینٹ سے بنی مسجد فن تعمیر کا منہ بولتا شاہکار ہے۔ پیچ در پیچ راہداریاں، محراب در محراب، دیواروں پر کندہ نقش اور پھول بوٹے، چنیوٹی کاریگروں کی مہارت کا منہ بولتا ثبوت ہیں۔

مسجد کا ہر گوشہ رب ذوالجلال کی کبریائی بیان کرتا نظر آتا ہے۔ یہاں آنے والے سیاحوں کا کہنا ہے کہ مسجد کو انتہائی مہارت سے تعمیر کیا گیا ہے۔
اسلامی فن تعمیر کے اس شاہکار کو دیکھنے کے لئے پاکستان اور دیگر ممالک سے بھی سیاح چنیوٹ کا رخ کرتے ہیں۔