پشاور: (ویب ڈیسک) خیبر پختونخوا کے محکمہ تعلیم نے تمام سرکاری اور نجی تعلیمی اداروں میں موسم گرما کی چھٹیوں میں اضافہ کرکے اس حوالے سے نوٹی فیکیشن جاری کر دیا ہے۔
وزیر اعلیٰ خیبر پختونخوا کے معاون خصوصی اطلاعات کامران بنگش نے سماجی رابطوں کی ویب سائٹ ٹویٹر پر جاری پیغام میں کہا ہے کہ موسم گرما کی تعطیلات اکتیس جولائی 2021ء تک بڑھا دی گئی ہیں، محکمہ تعلیم نے اس کا اعلامیہ جاری کر دیا ہے۔
محکمہ اعلی تعلیم حکومت خیبرپختونخوا نے موسم گرما کی تعطیلات کا اعلان کردیا، 31 جولائی تک تمام پبلک اور پرائیویٹ سیکٹر جامعات، کالجز اور ڈگری ایوارڈنگ ادارے بند رہینگے۔ pic.twitter.com/cBT4NalNUU
— Kamran Bangash (@kamrankbangash) July 11, 2021
معاون خصوصی کامران بنگش نے ٹویٹر پر اپنے بیان میں مزید کہا کہ تمام سرکاری اور نجی یونیورسٹیاں، کالج اور سکول بند رہیں گے، تاہم تمام جاری امتحانات شیڈول کے مطابق ہونگے۔
