تازہ ترین
  • بریکنگ :- برسلز:وزیرخارجہ شاہ محمودقریشی کی نیٹوکےسیکرٹری جنرل سے ملاقات
  • بریکنگ :- دوطرفہ تعاون اورافغان صورتحال سمیت علاقائی امورپرتبادلہ خیال
  • بریکنگ :- افغانستان میں انسانی بحران تشویشناک ہے،شاہ محمودقریشی
  • بریکنگ :- عالمی برادری افغان عوام کی معاونت کیلئےسنجیدہ کوششیں کرے،وزیرخارجہ

وزیراعظم نے نادرا کی پاک آئی ڈی موبائل ایپ کو انقلابی قدم قرار دیدیا

Published On 31 August,2021 10:55 pm

اسلام آباد: (دنیا نیوز) وزیراعظم عمران خان نے نادرا کی پاک آئی ڈی موبائل ایپ کا افتتاح کرتے ہوئے اسے ایک انقلابی قدم قرار دیا ہے۔

ایک ٹویٹ میں وزیراعظم نے کہا کہ موبائل ایپ خاص طور پر بیرون ملک مقیم پاکستانیوں کو سہولت فراہم کرنے میں ایک انقلابی قدم ہے۔ درخواست گزار اب موبائل فون کا استعمال کرتے ہوئے فنگر پرنٹ، تصویر اور دستاویزات حاصل کر سکتے ہیں۔ وزیراعظم نے لکھا کہ طارق ملک اور نادرا ٹیم کی طرف سے زبردست اقدام ہے۔

دوسری طرف چیئرمین نادرا طارق ملک کا کہنا تھا کہ جدید ترین ٹیکنالوجی کی بدولت شناختی کارڈ بنوانے پر موبائل پر لائیو بائیومیٹرک کے حصول کے ساتھ ساتھ تصدیق بھی ہو سکے گی۔

طارق ملک کا کہنا تھا کہ موبائل کے ذریعے انگلیوں کے نشان کے حصول کی سہولت ایک نئے دور کا آغاز ہے جو معیشت کے کئی شعبوں میں انقلاب برپا کر سکتی ہے۔