ماسکو: (دنیا نیوز) وزیراعظم عمران خان کی روس کے صدر ولادیمیر پیوٹن سے 3 گھنٹے طویل ملاقات ختم ہو گئی۔ جس میں اہم امور پر تبادلہ خیال کیا گیا۔
وزیراعظم عمران خان اور روس کے صدر ولادیمیر پیوٹن کے درمیان ملاقات کے دوران دو طرفہ تعلقات کے تمام پہلوؤں پر بات چیت کی گئی۔ دونوں ملکوں کے درمیان توانائی، اقتصادی وتجارتی شعبوں میں تعاون کے فروغ پر گفتگو کی گئی۔
روسی وزارت خارجہ
اس حوالے سے روسی وزیر خارجہ نے اپنے بیان میں کہا کہ اس ملاقات میں دوطرفہ تعلقات اور اہم امور پر تبادلہ خیال کیا گیا۔
President Vladimir #Putin and Prime Minister @ImranKhanPTI held a meeting in Moscow.
— MFA Russia (@mfa_russia) February 24, 2022
They discussed the main aspects of bilateral cooperation and exchange views on current regional topics, including developments in South Asia.
https://t.co/aFME3GqZXZ#RussiaPakistan pic.twitter.com/p2B463g4jY
روسی وزارت خارجہ کے مطابق دونوں رہنماؤں نے دوطرفہ تعاون کے اہم پہلوؤں پر تبادلہ خیال کیا، جبکہ موجودہ علاقائی موضوعات پر بھی تبادلہ خیال کیا گیا۔
وزارت خارجہ کے مطابق پاک روس رہنماؤں نے جنوبی ایشیاء کی صورتحال پر بھی تبادلہ خیال کیا۔
شہباز گل:
اُدھر وزیراعظم عمران خان کے معاون خصوصی ڈاکٹر شہباز گل نے سماجی رابطے کی ویب سائٹ ٹویٹر پر بتایا کہ صدر پیوٹن سے تقریبا تین گھنٹے طویل ملاقات کے بعد وزیراعظم عمران خان اپنے ہوٹل واپس پہنچ چکے ہیں۔
صدر پوٹن سے تقریبا تین گھنٹے طویل ملاقات کے بعد وزیراعظم عمران خان اپنے ہوٹل واپس پہنچ چکے ہیں۔ اب نماز عصر ادا کریں گے اور اس کے بعد وزیراعظم عمران خان سے ملنے روسی نائب وزیراعظم تشریف لائیں گے۔
— Dr. Shahbaz GiLL (@SHABAZGIL) February 24, 2022
وزیراعظم عمران خان کی روسی نائب وزیراعظم سے ملاقات
دوسری جانب وزیراعظم عمران خان اور روسی نائب وزیراعظم کی ملاقات ہوئی جس میں دو طرفہ تعلقات اور خطے کی صورتحال پر گفتگو کی گئی جب کہ ملاقات میں دونوں ممالک کے وفود نے بھی شرکت کی۔ اس موقع پر پاکستان اور روس کے درمیان توانائی سمیت مختلف شعبوں میں تعاون پر گفتگو ہوئی۔
Deputy Prime Minister for Energy of Russia Mr. Alexander Novak calls on Prime Minister Imran Khan along with delegation.#PMIKInRussia pic.twitter.com/0aaq7izmiu
— PTI BALOCHISTAN (@PTIBaluchistan) February 24, 2022
وزیراعظم کا جنگ عظیم دوئم میں شہید سپاہیوں کو خراج تحسین
روسی صدر سے ملاقات سے قبل وزیراعظم نے روس کے جنگ عظیم دوئم میں شہید ہونے والے سپاہیوں کو خراج تحسین پیش کیا تھا۔
Prime Minister Imran Khan visited the Tomb of Unknown Soldier at the monument in Moscow, Russia to pay tribute to the Soviet soldiers killed during World War II, he laid floral wreath.
— Government of Pakistan (@GovtofPakistan) February 24, 2022
Members of the delegation of Pakistan were also present on the occasion.#PMIKinRussia pic.twitter.com/r2hHi6pesM
وزیر اعظم عمران خان نے ماسکو میں دوسری جنگ عظیم میں جانوں کا نذرانہ پیش کرنے والے سپاہیوں کو خراج تحسین پیش کرتے ہوئے گمنام فوجیوں کے مقبرے پر پھولوں کی چادر چڑھائی تھی۔
فواد چودھری
دوسری جانب وزیر اطلاعات فواد چودھری نے یوکرین روس کشیدگی کے دوران وزیر اعظم کے دورہ مختصر ہونے سے متعلق ’قیاس آرائیوں‘ کو مسترد کردیا تھا۔
Speculations about PM @ImranKhanPTI visit are misplaced. The Visit is proceeding and PM will return to Pakistan tonight as per schedule
— Ch Fawad Hussain (@fawadchaudhry) February 24, 2022
وزیر اطلاعات نے ٹوئٹ کیا تھا کہ وزیر اعظم کا دورہ جاری ہے اور وزیر اعظم شیڈول کے مطابق آج رات پاکستان واپس آئیں گے۔
روس کا دورہ کرنے والے آخری پاکستانی وزیراعظم نواز شریف تھے جنہوں نے 1999 میں روس کا دورہ کیا تھا جب کہ سابق صدر آصف علی زرداری بھی 2011 میں ماسکوگئے تھے۔
خیال رہے کہ وزیراعظم عمران خان گزشتہ روز روس کے دو روزہ سرکاری دورے پر ماسکو پہنچے تھے جہاں ان کا ریڈ کارپٹ استقبال کیا گیا تھا۔
شاہ محمود قریشی
اس سے قبل وزیر خارجہ شاہ محمود قریشی نے کہا ہے کہ پاکستان، روس کے ساتھ دوطرفہ تعلقات کو خصوصی اہمیت دیتا ہے اور دونوں ممالک کے درمیان تعلقات بتدریج مستحکم ہوئے ہیں
وزیر خارجہ مخدوم شاہ محمود قریشی نے ماسکو میں وفد کے ہمراہ روسی ہم منصب سرگئی لاروف کے ساتھ ملاقات کی۔ ملاقات کے دوران دو طرفہ تعلقات، باہمی دلچسپی کے شعبوں میں تعاون بڑھانے سمیت اہم علاقائی و عالمی امور پر تبادلہ خیال کیا گیا۔
ملاقات کے دوران دونوں وزرائے خارجہ نے پاکستان اور روس کے درمیان دوطرفہ تعلقات کے تمام پہلوؤں کا تفیصلی جائزہ لیا اور دوطرفہ تعلقات کو مزید مستحکم بنانے کے عزم کا اعادہ بھی کیا۔
روسی ہم منصب سے ملاقات کے دوران پاکستان کے شاہ محمود قریشی کا کہنا تھا کہ پاکستان، روس کے ساتھ دوطرفہ تعلقات کو خصوصی اہمیت دیتا ہے، دونوں ممالک کے درمیان تعلقات بتدریج مستحکم ہوئے ہیں۔ پاکستان، وزیر اعظم عمران خان کے وژن کی روشنی میں اقتصادی ترجیحات اور علاقائی روابط کے فروغ کے ایجنڈے پر عمل پیرا ہے۔
ملاقات میں گفتگو کرتے ہوئے روسی وزیر خارجہ سرگئی لاروف نے افغانستان کے حوالے سے اسلامی تعاون تنظیم (او آئی سی) وزرائے خارجہ کونسل کے غیر معمولی اجلاس کی کامیابی پر پاکستانی ہم منصب اور پاکستان کی قیادت کو مبارکباد دی اور 22 اور 23 مارچ کو اسلام آباد میں متوقع او آئی سی وزرائے خارجہ کونسل کے 48ویں اجلاس کی کامیابی کے لیے نیک خواہشات کا اظہار کیا۔
