لاہور: (دنیا نیوز) پاکستان پیپلزپارٹی کے چیئر مین بلاول بھٹو زرداری نے کہا ہے کہ اگر بغاوت میں 30 سیکنڈز لگے تو اس کے تدارک میں بھی 30 سیکنڈز لگنے چاہئیں۔
بلاول نے سماجی رابطے کی ویب سائٹ ٹویٹر پر لکھا کہ انصاف میں تاخیر انصاف فراہم نہ کرنے کے مترادف ہے، اسلام آباد میں گزشتہ ہفتوں کے آئینی بحران کے بعد اب پنجاب میں ڈپٹی اسپیکر کو وزیراعلی کے انتخاب کے دن اسمبلی سے باہر نکال دیا گیا، عوامی نمائندوں کے ایوان کے اطراف خاردار آہنی تاریں لگادی گئیں۔
پی پی چیئرمین نے کہاکہ عمران خان کے آخری مایوس کن اقدامات اب اسے بچا نہیں سکتے، اس کی حکومت جاچکی، سلیکٹڈ راج کا خاتمہ ہوگیا، کیسے عمران خان کو غیرجمہوری طریقے سے لایا گیا اور کیسے بھاگتے ہوئے اس نے آئین کو پامال کیا، عوام یہ دیکھ رہے ہیں اور تاریخ میں یہ سب لکھا جائے گا۔
None of Imran khans desperate measures can save him now. his government is gone. Selected raj is over. The people are watching, history will record, how he was brought in undemocratically and on his way out he set the constitution on fire. https://t.co/Qo5U5Bg3oq
— BilawalBhuttoZardari (@BBhuttoZardari) April 6, 2022
