اسلام آباد :(دنیا نیوز) چین کی جانب سے شہبازشریف کے بیان کا خیرمقدم کرتے ہوئے کہا گیا ہے کہ وزیراعظم کا سی پیک بارے بیان خوش آئند ہے۔
چینی وزارت خارجہ کے ترجمان نے مطابق شہباز شریف کے بیان پر ردعمل دیتے ہوئے کہا کہ وزیراعظم کے ریمارکس کا خیر مقدم کرتے ہیں۔
ترجمان کا مزید کہنا تھا کہ چین اور پاکستان کو سی پیک کی اعلیٰ معیار کی ترقی کو مزید آگے بڑھانے کی ضرورت ہے، سی پیک کی اعلیٰ معیارکی ترقی کومزید آگے بڑھایا جائے گا، سی پیک پاکستان کی اقتصادی ترقی میں اہم کردار ادا کر رہا ہے۔
We highly appreciate the remarks made by Pakistani Prime Minister Shahbaz Sharif. #China and #Pakistan need to further advance the high-quality development of #CPEC. pic.twitter.com/C5Wujyh99F
— Spokesperson (@MFA_China) April 13, 2022
خیال رہے کہ گزشتہ روز وزیراعظم نے صدر شی کے بیلٹ اینڈ روڈ انیشی ایٹو کے اہم منصوبے کے طور پر سی پیک کی تعریف کی اور منصوبے کی پیشرفت اور پاکستان کی اقتصادی ترقی اور خوشحالی کے لیے سی پیک کی اہمیت کو سراہا۔
شہباز شریف نے سی پیک کوچین پاکستان دوستی کی علامت بنانے کیلئے حکومت کے عزم کا اعادہ کیا۔ وزیراعظم نے صنعت کاری سمیت مختلف شعبوں میں چین کی سرمایہ کاری کی اہمیت کو اجاگر کیا۔
شہباز شریف نے وزیر اعلیٰ پنجاب کی حیثیت سے چین کے ساتھ اپنے قریبی تعاون کو یاد کیا۔
انہوں نے کہا کہ چین کے ساتھ دوستی پاکستانی عوام کے دلوں میں بستی ہے، چین پاکستان کا سب سے مضبوط دوست اور قریبی ساتھی ہے۔
