اسلام آباد: (دنیا نیوز) اسپیکر قومی اسمبلی راجہ پرویزاشرف نے کہا ہے کہ پاکستان تحریک انصاف (پی ٹی آئی) کے جن ارکان نے استعفے دیئے ان میں شکوک و شبہات ہیں۔
سپیکرقومی اسمبلی کا کہنا ہے کہ کچھ ارکان نے رابطے کئے ہیں فی الحال میں منتظرہوں جب وقت ختم ہو گا تو فیصلہ کروں گا جس تاریخ سے استعفے آئے ان کی تنخواہ روک دی گئی، ہدایت کی ہے جنہوں نے استعفے دیئے ان کی تفصیلات دی جائیں۔
راجہ پرویز اشرف نے واضح کیا کہ استعفیٰ دینے کے کچھ قواعدو ضوابط ہیں کوئی ممبر استعفیٰ دیتا ہے تو میرا فرض ہے تعین کروں، بغیر کسی دباؤ کے دیا گیا جب تک یہ بات واضح نہ ہو استعفیٰ منظور نہیں کیا جا سکتا۔
