کراچی (دنیا نیوز) کراچی سمیت سندھ بھر میں چہلم امام حسین کے سلسلے میں آج اور کل موٹرسائیکل کی ڈبل سواری پر پابندی عائد کردی گئی۔
محکمہ داخلہ سندھ کے مطابق کراچی میں 19 اور 20 صفر کو ضلع غربی،کیماڑی،شرقی اور وسطی میں ڈبل سواری پر پابندی ہوگی، سجاول،مٹیاری اور جامشورو، میرپورخاص اور نواب شاہ میں 20 صفر کو ڈبل سواری پر پابندی ہوگی، حیدر آباد اور سکھر میں 19 اور 20 صفر، دادو اورٹھٹھہ میں 19سے 21 صفر تک پابندی رہے گی۔
نوٹیفکیشن میں کہا گیا کہ امن وامان کی صورتحال برقرار رکھنے کیلئے موٹرسائیکل کی ڈبل سواری پر پابندی لگائی گئی ہے۔
قانون نافذ کرنے والے اداروں کے اہلکاروں اور صحافیوں پر پابندی کا اطلاق نہیں ہو گا، 12 سال سے کم عمر بچے، بزرگ شہری اورخواتین بھی پابندی سے مستثنیٰ ہوں گی۔
