لاہور : (دنیا نیوز ) ملک بھر کے مختلف حصوں میں شدید دھند کے باعث اہم موٹرویز کو بند کردیا گیا۔
موٹر وے پولیس کے مطابق موٹروے ایم 2 کو لاہور سے شیخوپوہ تک جبکہ ایم 3 کو فیض آباد سے درخانہ تک شدید دھند کے باعث بند کردیا گیا ہے۔
پولیس کے مطابق موٹر وے ایم 4 عبدالحکیم سے فیصل آباد تک شدید دھند کی وجہ سے بند کی گئی ہے۔
موٹروے پولیس کی جانب سے شہریوں کو محتاط ڈرائیونگ اور غیرضروری سفر نہ کرنے کی ہدایات بھی جاری کی گئی ہیں۔
