کوئٹہ: (ویب ڈیسک) بلوچستان میں ضلع پشین، لسبیلہ اور حب میں بلدیاتی انتخابات کے بعد نتائج آنے کا سلسلہ جاری ہے۔
پشین کی میونسپل کمیٹی حرم زئی میں جمعیت علمائے اسلام ف نے میدان مار لیا، 14 میں سے 7 نشستیں جیت کر سادہ اکثریت حاصل کر لی۔
پشین کی میونسپل کمیٹی حرم زئی میں عوامی نیشنل پارٹی اور پختونخوا میپ نے بھی تین تین نشستیں حاصل کر لیں۔
میونسپل کمیٹی اوتھل کی تمام 16 نشستیں آزاد امیدوارجیت گئے، میونسپل کمیٹی دریجی کی تمام 6 نشستوں پر بھی آزاد امیدوار کامیاب قرار پائے۔
