کراچی: (دنیا نیوز) پاک فضائیہ نے قائداعظم محمد علی جناحؒ کے یوم پیدائش کی مناسبت سے ملی نغمہ جاری کر دیا جس میں پاک فضائیہ کی جانب سے بانی پاکستان کو خراج عقیدت پیش کیا گیا ہے۔
پاک فضائیہ کے شعبہ تعلقات عامہ کی جانب سے جاری کردہ نغمے میں اس امر کو اجاگر کیا گیا ہے کہ قائداعظم محمد علی جناحؒ نے برصغیر کے مظلوم مسلمانوں میں امید کی کرن روشن کی اور انہیں ایک قوم کی صورت میں متحد کر کے ان کے لئے ایک علیحدہ و آزاد وطن حاصل کیا۔
Pakistan Air Force pays tribute to Quaid e Azam Muhammad Ali Jinnahhttps://t.co/muvsjbBqsX
— DGPR (AIR FORCE) (@DGPR_PAF) December 25, 2022
یہ قائداعظم کی انتھک کاوشوں کا ہی ثمر ہے کہ ہم آج ایک آزاد مملکت میں سانس لے رہے ہیں۔
نغمے میں اس عہد کی بھی تجدید کی گئی ہے کہ پاک فضائیہ کا ہر شاہین ملکی تحفظ کے لئے ہمہ وقت تیار ہے اور ضرورت پڑنے پر کسی بھی قربانی سے گریز نہیں کرے گا۔
