اسلام آباد: (دنیا نیوز) رہنما پیپلز پارٹی و سینیٹر شیری رحمان نے کہا ہے کہ شہید محترمہ بے نظیر بھٹو کے 15 ویں یوم شہادت پر ان کو سلام پیش کرتی ہوں، بی بی کا قتل انسانیت کا قتل تھا۔
سماجی رابطے کی ویب سائٹ ٹوئٹر پر اپنے پیغام میں شیری رحمان نے لکھا کہ آج کے دن ہم سے ہماری قائد اور اس ملک سے اس کا مستقبل چھینا گیا، شہید بی بی پاکستان کے عوام کیلئے ایک امید تھیں، قاتلوں نے عوام سے ان کی امید چھین لی۔
شہید محترمہ بینظیر بھٹو کے 15ویں یوم شہادت پر ان کو سلام پیش کرتی ہوں۔ شہید محترمہ بینظیر بھٹو کا قتل انسانیت کا قتل تھا۔ آج کے دن ہم سے ہماری قائد اور اس ملک سے اس کا مستقبل چھینا گیا۔ شہید بی بی پاکستان کے عوام کیلئے ایک امید تھیں، قاتلوں نے عوام سے ان کی امید چھین لی۔1/3 pic.twitter.com/HMZ2N36I0D
— SenatorSherryRehman (@sherryrehman) December 27, 2022
سینیٹر کا کہنا تھا کہ شہید بی بی تمام صوبوں کی زنجیر تھیں، قاتلوں نے ان کو قتل کرکے ملک کو توڑنے کی کوشش کی، آصف علی زرداری نے پاکستان کھپے کا نعرہ لگا کر اس سازش کو ناکام بنایا، شہید بی بی نے نظربندی، قید، جلاوطنی اور دیگر سختیاں برداشت کیں، اپنے والد،بھائیوں اور کارکنان کے جنازے اٹھائے۔
شہید بی بی تمام صوبوں کی زنجیر تھیں، قاتلوں نے ان کو قتل کرکے ملک کو توڑنے کی کوشش کی۔ آصف علی زرداری نے پاکستان کھپے کا نعرہ لگا کر اس سازش کو ناکام بنایا۔ شہید بی بی نے نظربندی، قید، جلاوطنی اور دیگر سختیاں برداشت کی۔ اپنے والد، بھائیوں اور کارکان کے جنازے اٹھائے۔ 2/3
— SenatorSherryRehman (@sherryrehman) December 27, 2022
رہنما پیپلزپارٹی کا مزید کہنا تھا کہ مرحومہ کی زندگی اور عوام، آئین، پارلیمان اور ملک کی خاطر سیاسی جدوجہد ان کے نام کی طرح بینظیر ہے، ہماری قائد اور مسلم دنیا کی پہلی خاتون وزیراعظم کو دن دیہاڑے بے دردی سے قتل کیا گیا، ان کا خاندان، پیپلز پارٹی اور کارکنان 15سال بعد بھی اپنی قائد کے قتل کیس میں انصاف کے منتظر ہیں۔
ان کی زندگی اور عوام، آئین، پارلیمان اور ملک کے خاطر سیاسی جدوجہد ان کے نام کی طرح بینظیر ہے۔ ہماری قائد اور مسلم دنیا کی پہلی خاتون وزیراعظم کو دن دہاڑے بے دردی سے قتل کیا گیا۔ ان کا خاندان، پیپلز پارٹی اور کارکنان 15 سال بعد بھی اپنی قائد کے قتل کیس میں انصاف کے منتظر ہیں۔3/3
— SenatorSherryRehman (@sherryrehman) December 27, 2022
