لاڑکانہ: (دنیا نیوز) پاکستان پیپلز پارٹی کے چیئرمین اور وزیر خارجہ بلاول بھٹو زرداری نے کہا کہ میں لاڑکانہ شہر پہنچ چکا ہوں، کل ہم شہید محترمہ بے نظیر بھٹو کا 15 واں یوم شہادت منائیں گے۔
سماجی رابطے کی ویب سائٹ ٹوئٹر پر ایک ویڈیو پیغام میں بلاول بھٹو زرداری نے کہا کہ میں کل اپنی تقریر میں شہید محترمہ بے نظیر بھٹو کو یاد کروں گا، خارجہ اور معاشی امور سمیت دہشت گردی کے مسائل پر بھی بات کروں گا۔
Reached Larkana, tomorrow we will pay tribute to Shaheed Mohtarma Benazir Bhutto on her 15th martyrdom anniversary.We draw inspiration from her heroic struggle vs. dictatorship & extremism. She taught us to serve the people, to strive for a #PakistanforAll not just privileged few pic.twitter.com/CUeejcaL4c
— BilawalBhuttoZardari (@BBhuttoZardari) December 26, 2022
وزیر خارجہ بلاول بھٹو زرداری نے عوام کو مخاطب کرتے ہوئے کہا کہ میں آپ کو دعوت دیتا ہوں کہ گڑھی خدا بخش آئیں اور شہید محترمہ بے نظیر بھٹو کو ان کے15ویں یوم شہادت پر خراج عقیدت پیش کریں۔
چیئرمین پاکستان پیپلز پارٹی کا کہنا تھا کہ ہم نے شہید محترمہ بے نظیر بھٹو کی آمریت اور انتہا پسندی کے خلاف غیرمعمولی جدوجہد سے رہنمائی لی ہے، شہید محترمہ بے نظیر بھٹو نے ہمیں سکھایا کہ عوام کی خدمت کرنی ہے۔
بلاول بھٹو زرداری نے کہا کہ محترمہ بے نظیر بھٹو نے ہمیں سکھایا کہ چند مراعات یافتہ کے لئے نہیں بلکہ سب کے لئے کوشش کرنا ہے۔
