اسلام آباد: (دنیا نیوز) وفاقی کابینہ کا اہم ترین اجلاس کل طلب کرلیا گیا، جس کی صدارت وزیراعظم میاں شہباز شریف کریں گے، اجلاس کا 4 نکاتی ایجنڈا مرتب کرلیا گیا۔
ذرائع کے مطابق کابینہ اجلاس میں سرمایہ کاری بورڈ ریگولیٹری قواعد پر بورڈ آف انویسٹمنٹ کی بریفنگ دی جائے گی، ہارڈ شپ کیٹیگری بارے ایک دوا، 20 ادویات میں کمی کے حوالے سے کابینہ منظوری دے گی۔
ارکان پارلیمنٹ کی سال 2020ء کی ٹیکس ڈائریکٹری کی منظوری بھی دی جائیگی، اجلاس میں ملک کی سیاسی صورتحال کیساتھ امن و امان کی صورتحال پر بھی غور ہوگا، وفاقی کابینہ کو قومی سلامتی کمیٹی میں ہونے والے فیصلوں کے بارے بھی آگاہ کیا جائے گا۔
