اسلام آباد: (دنیا نیوز) سی ڈی اے نے وفاقی دارالحکومت اسلام آباد کی تاریخ کا سب سے مہنگا پلاٹ 8 ارب 54 کروڑ روپے میں نیلام کر دیا۔
کیپیٹل ڈویلپمنٹ اتھارٹی (سی ڈی اے) کے چیئرمین محمد عثمان یونس نے سماجی رابطے کی ویب سائٹ ٹوئٹر پر بتایا کہ سی ڈی اے نے اسلام آباد کی تاریخ میں سب سے مہنگے پلاٹ کی 8 ارب 54 کروڑ روپے میں نیلامی کی ہے۔
چیئرمین سی ڈی اے عثمان یونس نے کہا کہ اب تک ان کا ادارہ چار پلاٹوں کی نیلامی کر چکا ہے جن کی مجموعی قیمت 11 ارب 95 کروڑ روپے ہے۔
CDA just auctioned Islamabad’s most expensive plot in its history with price of more than 8.54 billion. Total 4 plots sold so far for an amount of 11 Billion 95 Crores. Keep it up team CDA.
— Muhammad Usman Younis (@CaptainUsman) January 24, 2023
واضح رہے اسلام آباد کی تاریخ کا سب سے مہنگا پلاٹ دارالحکومت کے کاروباری علاقے بلیو ایریا میں واقع ہے اس کے علاوہ مہنگے ترین نیلام کیے گئے دو پلاٹ اسلام آباد کے سیکٹر آئی 14 اور سیکٹر آئی 8 کے مرکز میں واقع ہیں۔
گزشتہ سال کے آخر میں سی ڈی اے کی جانب سے محکمے کی مالی ضروریات کو پورا کرنے کیلئے اسلام آباد میں کمرشل اور رہائشی پلاٹوں کی نیلامی کا منصوبہ پیش کیا گیا تھا جس کے تحت 50 سے زائد پلاٹوں کی نیلامی ہونی ہے۔
CDA auction has taken a very good start. Two plots in I-14 Markaz sold for Rs 1.3 Billion combined. Another plot of I-8 Markaz with reserved price of 1.2 Billion likely to end up at 1.5 Billion.
— Muhammad Usman Younis (@CaptainUsman) January 24, 2023
Good going team CDA. Keep up the good work. #CDAAuction #CapitalDevelopment
