اسلام آباد: (دنیا نیوز) ملک کی سیاسی صورتحال کے حوالے وزیر اعظم شہباز شریف کی اتحادیوں سے مشاورت جاری ہے، وزیراعظم سے آصف زرداری اور مولانا فضل الرحمان کی ملاقات بھی متوقع ہے۔
ذرائع کا کہنا ہے کہ تینوں رہنماؤں کے مابین متوقع ملاقات میں خیبر پختونخوا اور پنجاب میں انتخابات سے متعلق امور پر بات ہوگی اور آئندہ کی سیاسی حکمت عملی اور اتحادیوں کے مسائل پر بھی مشاورت ہوگی۔
یہ بھی پڑھیں:وزیر اعظم شہباز شریف سے سابق صدر آصف علی زرداری کی ملاقات
دوسری جانب وزیراعظم شہبازشریف نے سیاسی مشاورتی کمیٹی کا اجلاس بھی بلانے کا فیصلہ کیا ہے جس میں سینئر وزراء اور پارٹی رہنما شرکت کریں گے۔
اجلاس میں ملکی سیاسی صورتحال اور مریم نوا زکے لاہور میں استقبال کی تیاریوں کا جائزہ لیا جائے گا۔
یاد رہے کہ سابق صدر آصف علی زرداری نے گزشتہ روز بھی وزیر اعظم شہباز شریف سےملاقات کی تھی۔
