اسلام آباد: (دنیا نیوز) دفتر خارجہ نے کہا ہے کہ وزیر خارجہ بلاول بھٹو زرداری 29 سے 30 جنوری تک ماسکو کا سرکاری دورہ کریں گے۔
دفتر خارجہ کے آفیشل ٹوئٹر اکاؤنٹ سے جاری بیان کے مطابق وزیر خارجہ بلاول بھٹو روسی وزیر خارجہ کی دعوت پر ماسکو کا دورہ کر رہے ہیں۔
دورہ ماسکو کے دوران وزیر خارجہ روسی ہم منصب کے ساتھ باضابطہ بات چیت کریں گے اور باہمی دلچسپی کے علاقائی اور بین الاقوامی امور پر تبادلہ خیال کریں گے۔
