اسلام آباد: (دنیا نیوز) وفاقی وزیر خزانہ و محصولات سینیٹر محمد اسحاق ڈار نے ترکیہ کے سفارتخانے کا دورہ کیا اور تباہ کن زلزلے میں ہونے والے جانی و مالی نقصانات پر تعزیتی کتاب میں دلی تعزیت اور ہمدردی کے تاثرات درج کئے۔
وفاقی وزیر خزانہ نے کہا کہ پاکستان کی حکومت اور عوام تباہ کن زلزلے میں قیمتی جانوں اور املاک کے نقصانات پر غمزدہ ہیں اور مشکل کی اس گھڑی میں ترکیہ کے عوام کے ساتھ کھڑے ہیں۔
Finance Minister Senator Mohammad Ishaq Dar visited Turkish Embassy and offered & recorded his heartfelt condolence and sympathesies in the condolences book on human and material losses in the deadly earthquake in Turkiye. FM shared resolve of the Govt,its people to..(1/2)).. pic.twitter.com/yfaXEiK524
— Ministry of Finance (@FinMinistryPak) February 9, 2023
اسحاق ڈار نے مزید کہا کہ پاکستان اور ترکی کے درمیان باہمی اعتماد، ہم آہنگی اور بھائی چارے کے دیرینہ تعلقات ہیں، دونوں ممالک بحران اور مشکل کی گھڑی میں ایک دوسرے کے ساتھ کھڑے رہے ہیں۔
انہوں نے مزید کہا کہ پاکستان کی حکومت اور عوام آزمائش کی اس گھڑی میں اپنے ترک بھائیوں اور بہنوں کے ساتھ کھڑے رہیں گے۔
