کراچی: (دنیا نیوز) چیئرمین پی پی پی اور وزیر خارجہ بلاول بھٹو زرداری نے کہا ہے کہ اسلاموفوبیا کے خلاف عالمی بیداری کی اپنی جدوجہد جاری رکھوں گا۔
اسلامو فوبیا کے خلاف دنیا کے پہلے عالمی دن کے موقع پر اپنے پیغام میں انہوں نے کہا کہ پاکستان کی کاوشوں سے آج پوری دنیا اسلامو فوبیا کے خلاف عالمی دن منا رہی ہے، آج سے ہر سال 15 مارچ کو اسلامو فوبیا کے خلاف عالمی دن منایا جائے گا۔
یہ بھی پڑھیں: عمران خان سمجھتے ہیں کہ ان پر ملک کا کوئی قانون لاگو نہیں ہوتا : بلاول بھٹو
وزیرخارجہ کا کہنا تھا کہ گزشتہ ہفتے میں نے اقوام متحدہ میں پوری دنیا کو اسلامو فوبیا کے خلاف متحد ہونے کی اپیل کی، اسلامو فوبیا کے خلاف عالمی بیداری کی کاوشیں جاری رکھوں گا۔
بلاول بھٹو نے کہا کہ اقوام متحدہ میں اسلامی دنیا کا مقدمہ لڑنا میرے لئے قابل فخر لمحات تھے، اس وقت پوری دنیا میں مسلمانوں کو نفرت اور تعصب کا سامنا ہے جس کا خاتمہ ضروری ہے۔
