اسلام آباد: (دنیا نیوز) پاکستان اور ملائشیا کے درمیان سیاسی مشاورت کا دور ہوا جس میں دونوں ملکوں کے درمیان تعاون بڑھانے پر اتفاق کیا گیا۔
ترجمان دفتر خارجہ کے مطابق پاکستان اور ملائشیا کے مابین سیاسی مشاورت کا دور آج کوالالمپور میں ہوا، سیاسی مشاورتی اجلاس کی مشترکہ صدارت اسسٹنٹ سیکرٹری خارجہ ممتاز زہرا بلوچ اور ڈپٹی سیکرٹری جنرل داتو نارمن بن محمد نے کی۔
— Spokesperson MoFA (@ForeignOfficePk) March 28, 2023
مشاورتی اجلاس میں فریقین نے دوطرفہ اسٹریٹجک شراکت داری کو وسعت دینے، اسے مضبوط بنانے اور کثیر الجہتی تعاون کو بڑھانے پر اتفاق کیا۔
