اسلام آباد: (ویب ڈیسک) محکمہ موسمیات کے مطابق ملک کے مختلف علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے۔
محکمہ موسمیات کے مطابق جمعہ کو ملک کے بیشترعلاقوں میں موسم خشک رہے گا، تا ہم شمال مشر قی بلوچستان میں چند مقامات پر تیز ہواؤں اور گرج چمک کے ساتھ بارش کا امکان ہے۔
سندھ مکران ساحلی پٹی پر گرد آلود ہوائیں، آندھی چلنے کا امکان ہے، گزشتہ 24 گھنٹے کے دوران ملک کےبیشتر علاقوں میں موسم خشک رہا تاہم بالائی خیبر پختونخوا، پنجاب، کشمیر اورگلگت بلتستان میں چند مقامات پر تیزہواؤں اور گرج چمک کے ساتھ بارش ہوئی۔
سب سے زیادہ بارش خیبرپختونخوا میں کاکول 12، کالام 10، پشاور (ائیر پورٹ 09، سٹی 05)، بالا کوٹ 09، پٹن 06، دروش 05، دیر ( بالائی 05، زیریں 02)، میر کھانی، باچا خان، بنوں 04، چترال 03، چراٹ 01 ملی میٹر بارش ریکارڈ ہوئی۔
اس کے علاوہ کشمیر میں راولا کوٹ 12، مظفر آباد ( سٹی، ائیر پورٹ ) 08، گڑھی دوپٹہ، کوٹلی 09، پنجاب میں مری 06، لاہور، ساہیوال، اٹک، اوکاڑہ، فیصل آباد 01 اور گلگت بلتستان میں بگروٹ میں 03 ملی میٹر بارش ریکارڈ کی گئی۔
اس دوران ملک میں زیا دہ سے زیادہ درجہ حرارت چھور، مٹھی 38، لسبیلہ 37، ٹھٹھہ، تربت، شہید بینظیر آباد اور خیرپور میں 36 ڈگری سینٹی گریڈ ریکارڈ کیا گیا۔
