ملک کے بیشتر میدانی علاقے 2 سے 3 روز گرمی کی لپیٹ میں رہیں گے، محکمہ موسمیات

Published On 20 May,2023 07:33 pm

اسلام آباد: (ویب ڈیسک) محکمہ موسمیات کے مطابق ملک کے بیشتر میدانی علاقے آئندہ 2 سے 3 روز کے دوران گرمی کی لپیٹ میں رہیں گے۔

محکمہ موسمیات کے مطابق ملک کے بیشتر میدانی علاقوں میں آئندہ دو سے تین روز کے دوران دن کا درجہ حرارت معمول سے 02 سے 04 ڈگری سینٹی گریڈ زیادہ رہنے کا امکان ہے۔

اتوار کو ملک کے بیشتر علاقوں میں موسم گرم اور خشک جبکہ جنوبی ، وسطی علاقوں میں شدید گرم رہے گا۔

گزشتہ 24 گھنٹے کے دوران بھی ملک کے بیشتر علاقوں میں موسم خشک اور گرم جبکہ جنوبی ، وسطی علاقوں میں شدید گرم رہا۔

محکمہ موسمیات کے مطابق ہفتہ کو ریکارڈ کیے گئے زیادہ سے زیادہ درجہ حرارت دادو، جیکب آباد، موہنجو داڑو 48 اور سبی میں 47 ڈگر ی سینٹی گریڈ ریکارڈ کیا گیا۔

Advertisement