اسلام آباد: (دنیا نیوز) وفاقی وزیر اطلاعات مریم اورنگزیب نے کہا ہے کہ قومی اسمبلی تحلیل کرنے کی تاریخ پر ابھی فیصلہ نہیں ہوا۔
قومی اسمبلی کی تحلیل کے بارے میں میڈیا پر چلنے والی خبروں کی وضاحت کرتے ہوئے وزیر اطلاعات مریم اورنگزیب نے کہا ہے کہ پی ڈی ایم اور اتحادی جماعتوں کی مشاورت سے تاریخ کا فیصلہ ہوگا، قومی اسمبلی کی تحلیل کی تاریخ کے فیصلے کا باضابطہ اعلان کیا جائے گا۔
قومی اسمبلی کی تحلیل کی تاریخ پر ابھی فیصلہ نہیں ہوا
— Marriyum Aurangzeb (@Marriyum_A) July 18, 2023
پی ڈی ایم اور اتحادی جماعتوں کی مشاورت سے تاریخ کا فیصلہ ہوگا قومی اسمبلی کی تحلیل کی تاریخ کے فیصلے کا باضابطہ اعلان کیا جائے گا
دوسری جانب ذرائع کا کہنا ہے کہ مسلم لیگ (ن) اور پیپلز پارٹی نے 8 اگست کو قومی اسمبلی تحلیل کرنے پر اتفاق کر لیا ہے، 8 اگست کو قومی اسمبلی تحلیل کرنے کی تجویز پاکستان پیپلز پارٹی نے دی تھی جبکہ قانونی ماہرین کی طرف سے بھی حکومت کو 8 اگست کی تجویز دی گئی ہے۔
یہ بھی پڑھیں: ن لیگ اور پیپلز پارٹی میں 8 اگست کو قومی اسمبلی تحلیل کرنے پر اتفاق
ذرائع کے مطابق قومی اسمبلی کی تحلیل کے حوالے سے 9 اور 10 اگست کی تاریخوں پر بھی غور کیا گیا، یاد رہے قومی اسمبلی کی مدت 12 اگست تک ہے، اگر 8 اگست کو اسمبلی تحلیل نہیں ہوتی تو اس صورت میں 12 اگست کو رات 12 بجے اسمبلی از خود تحلیل تصور ہو گی۔
