اسلام آباد: (دنیا نیوز) اسلام آباد کی احتساب عدالت نے بشریٰ بی بی کی 190 ملین پاؤنڈ کیس میں ضمانت منظور جبکہ توشہ خانہ کیس میں عبوری ضمانت میں توسیع کر دی۔
احتساب عدالت اسلام آباد کے جج محمد بشیرنے بشریٰ بی بی کی توشہ خانہ اور 190 ملین پاؤنڈزکیس میں ضمانت کی درخواست پر سماعت کی، بشریٰ بی بی اپنے وکیل کے ہمراہ پیش ہوئیں۔
وکیل بشریٰ بی بی نے موقف اپنایا کہ بشریٰ بی بی کی دو بجے چیئرمین پی ٹی آئی سے اٹک جیل میں ملاقات ہے، نیب نے بھی دو بجے کیلئے طلبی کے نوٹسز بھیج دیئے، گرفتاری مطلوب ہے تو پہلے آگاہ کیا جائے۔
یہ بھی پڑھیں:بشریٰ بی بی کی آڈیو لیکس کیخلاف درخواست پر سماعت 18 ستمبر تک ملتوی
نیب پراسیکیوٹر نے موقف اپنایا کہ نیب طلبی کا معاملہ عدالت کا نہیں، توشہ خانہ کیس میں فی الحال بشریٰ بی بی کی گرفتاری درکار نہیں۔
عدالت نے بشریٰ بی بی کی ایک لاکھ روپے کے مچلکوں کے عوض 26 ستمبر تک عبوری ضمانت منظور کر لی، جبکہ توشہ خانہ کیس میں عبوری ضمانت میں بھی 26 ستمبر تک توسیع کر دی گئی۔
