گوجرانوالہ: (دنیا نیوز) گوجرانوالہ کی عدالت نے مسلم لیگ ن کے رہنما کیپٹن (ر) صفدر کے خلاف بغاوت کے مقدمے کا فیصلہ محفوظ کر لیا۔
جوڈیشل مجسٹریٹ فیصل الاسلام نے کیپٹن (ر) صفدر پر بغاوت کے کیس کیس کی سماعت کی، عدالت نے فریقین کے دلائل مکمل ہونے کے بعد فیصلہ محفوظ کر لیا۔
واضح رہے کہ کیپٹن (ر) صفدر پر مقدمہ 3 اکتوبر 2020ء کو درج کیا گیا تھا، ان کیخلاف درج ایف آئی آر میں اشتعال انگیز تقاریر اور بغاوت کا الزام ہے۔
فیصلہ پاکستان کی عدالتی تاریخ میں ایک ریکارڈ ہو گا: کیپٹن (ر) صفدر
عدالت کے باہر میڈیا سے گفتگو کرتے ہوئے کیپٹن (ر) صفدر نے کہا کہ آج اس مقدمے کا فیصلہ ہو جائے گا، ہم انتظار کر رہے ہیں، فیصلہ پاکستان کی عدالتی تاریخ میں ایک ریکارڈ ہو گا۔
