قلات: (دنیا نیوز) تیز رفتار مسافر کوچ اور جیپ میں تصادم کے باعث 5 افراد جاں بحق جبکہ متعدد زخمی ہوگئے۔
افسوسناک حادثہ قومی شاہراہ پر منگچر کے مقام پر پیش آیا جہاں تیز رفتار مسافرکوچ اورجیپ میں تصادم ہوگیا، حادثے کے نتیجے میں 5 افراد جاں بحق جبکہ متعدد زخمی ہوگئے ہیں۔
لیویز ذرائع کے مطابق جاں بحق افراد کی لاشوں اور زخمیوں کو ہسپتال منتقل کیا جا رہا ہے، زخمیوں میں 2 کی حالت تشویشناک ہے جس کے باعث ہلاکتوں میں اضافے کا خدشہ ہے۔
حادثے کا شکار ہونیوالی مسافر کوچ کوئٹہ سے قلات جارہی تھی۔
