لاہور: (دنیا نیوز) صدر پاکستان مسلم لیگ (ن) شہباز شریف نے کہا ہے کہ قائد میاں نواز شریف کی العزیزیہ ریفرنس میں بریت پر ہم سب اللہ تعالیٰ کے ہاں سربسجود ہیں۔
سماجی رابطے کی ویب سائٹ ٹوئٹر (ایکس) پر صدر مسلم لیگ ن شہباز شریف نے کہا کہ نواز شریف صرف میرے بھائی اور قائد نہیں ہیں وہ پوری قوم کے لیڈر ہیں۔
انہوں نے کہا کہ نواز شریف کی بریت اور حق کی اس فتح سے جلد ان کی قیادت میں پاکستان میں خوشحالی اور ترقی کا دور واپس آئے گا، نواز شریف کے صبر، ایمان اور استقامت کو سلام پیش کرتا ہوں۔
— Shehbaz Sharif (@CMShehbaz) December 12, 2023
شہباز شریف کا مزید کہنا تھا کہ نواز شریف کی بریت اس بات کا ثبوت ہے کہ جب معاملات اللہ تعالٰی پر چھوڑ دیے جائیں تو وہ بہترین انصاف کرنے والا ہے۔
ٹوئیٹ کے اختتام پر انہوں نے شاعر مشرق علامہ اقبال کے مشہور ملی نغمے کا مصرع بھی لکھا ’’ہوتا ہے جادہ پَیما پِھر کارواں ہمارا‘‘۔
