لاہور: (دنیا نیوز) پاکستان پیپلز پارٹی کے چیئرمین و سابق وزیر خارجہ بلاول بھٹو زرداری کا لاہور سے بھی الیکشن لڑنے کا امکان ہے۔
رہنما پیپلزپارٹی میاں مصباح الرحمان کے مطابق بلاول بھٹو زرداری کے لئے این اے 128 لاہور سے کاغذات نامزدگی وصول کئے گئے ہیں۔
یہ بھی پڑھیں: بلاول بھٹو نے پارٹی کے مرکزی عہدیداروں کی تعیناتی کا اعلان کر دیا
میاں مصباح الرحمان نے کہا کہ بلاول بھٹو زرداری کے ساتھ پی پی 169 سے میں الیکشن لڑوں گا۔
اس سے قبل سلیم مانڈوی والا نے بتایا تھا کہ بلاول بھٹو زرداری لاڑکانہ سے اور آصف علی زرداری نوابشاہ سے الیکشن لڑیں گے، آصفہ بھٹو کا ابھی تک علم نہیں کہ وہ کہاں سے الیکشن میں حصہ لیں گی۔
