اسلام آباد: (دنیا نیوز) مرکزی سیکرٹری جنرل جے یو آئی سینیٹر مولانا عبدالغفور حیدری نے بلوچ یکجہتی کمیٹی کے دھرنے میں شرکت کی۔
مولانا عبدالغفور حیدری نے کہا کہ بلوچ بیٹیوں، بہنوں، ماؤں اور بھائیوں کے ساتھ اظہار یکجہتی کرتے ہیں، نگران وزیراعظم کو چلو بھر پانی میں ڈوب مرنا چاہئے، بلوچستان کی خواتین پر دارالحکومت میں ضلعی انتظامیہ اور پولیس ظلم و جبر کر رہی ہے۔
— Jamiat Ulama-e-Islam Pakistan (@juipakofficial) December 23, 2023
مرکزی سیکرٹری جنرل جے یو آئی نے کہا کہ بلوچی چادر کے تقدس کو پامال کیا گیا، نگران وزیراعظم اور چیف جسٹس خواب خرگوش میں ہیں، اسلام آباد انتظامیہ کا بلوچ خواتین پر ظلم وتشدد ناقابل برداشت ہے، پرامن احتجاج کرنے والوں پر پولیس گردی افسوسناک ہے، ہزاروں لاپتہ افراد کی فیملیاں اذیت کا شکار ہیں۔
مولانا عبد الغفور حیدری نے مزید کہا کہ گرفتار مظاہرین کو فوری رہا کیا جائے۔
