اسلام آباد: (دنیا نیوز) سینیٹ میں انتخابات کے التوا کے حق میں قرارداد کے دوران کورم کی نشاندہی نہ کرنے کے معاملہ پر پاکستان تحریک انصاف نے سینیٹر گردیپ سنگھ کو اظہارِ وجوہ کا نوٹس جاری کر دیا۔
نوٹس مرکزی سیکرٹری جنرل پاکستان تحریک انصاف عمر ایوب خان کی جانب سے جاری کیا گیا ہے، جس پر سینیٹر گردیپ سنگھ سے 3 روز میں تحریری طور پر جواب طلب کیا گیا ہے۔
نوٹس میں کہا گیا ہے کہ سینیٹر گردیپ سنگھ قرارداد کی منظوری کے دوران ایوان میں موجود تھے، ایوان میں موجود ہوتے ہوئے کورم کی نشاندہی کیوں نہیں کی؟ انتخابات کے التوا کیلئے آنے والی قرارداد کی مخالفت کیوں نہیں کی؟۔
— PTI (@PTIofficial) January 5, 2024
