کراچی: (دنیا نیوز) گورنر سندھ کامران خان ٹیسوری سے پاکستان نیوی وارکالج لاہور کے کمانڈنٹ ریئرایڈمرل اظہر محمود نے ملاقات کی۔
ملاقات میں پاک بحریہ کی پروفیشنل مہارت، سمندری حدود کی نگہبانی میں پاک بحریہ کے کردار اور باہمی دلچسپی کے دیگرامور پر تبادلہ خیال کیا گیا۔
اس موقع پر گورنر سندھ کامران خان ٹیسوری نے کہا کہ اقوام عالم کی بحری افواج میں پاک بحریہ کو نمایاں ترین مقام حاصل ہے، پاک بحریہ کی پروفیشنل مہارت دنیا کی کسی بحری فوج سے کم نہیں۔
— Kamran Tessori (@KamranTessoriPk) January 11, 2024
گورنر سندھ نے کہا کہ سمندی حدود کی نگہبانی کے ساتھ ساتھ سمگلنگ کی روک تھام میں بھی پاک بحریہ نمایاں کردارادا کر رہی ہے، ریئرایڈمرل اظہر محمود نے گورنر سندھ کے ہمراہ قائداعظم روم کا دورہ بھی کیا۔
