اسلام آباد: (دنیانیوز) ویتنام کے تعینات سفیر کی اہلیہ گزشتہ کئی گھنٹے سے گھر سے لاپتا ہیں جن کی تلاش جاری ہے ۔
خاندانی ذرائع کے مطابق ویتنامی سفیر کی اہلیہ موبائل فون اور اپنا پرس گھر پر ہی چھوڑ کر 11 بجے صبح نکلی تھیں جو تاحال واپس نہیں لوٹیں۔
ویتنام کے تعینات سفیر کی اہلیہ کے گزشتہ کئی گھنٹوں سے لاپتا رہنے کے بعد ان کے اہل خانہ نے اسلام آباد پولیس سے رابطہ کرلیا جس کے بعد سپرنٹنڈنٹ پولیس (ایس پی) سٹی دیگر اہلکاروں کے ہمراہ موقع پر پہنچ گئے۔
اسلام آباد پولیس نے اہل خانہ کی شکایت پر سیف سٹی کیمروں سمیت دیگر ذرائع کا استعمال کرتے ہوئے خاتون کی تلاش شروع کردی۔
ذرائع کاکہنا ہے کہ سفیر نے پولیس کو بیان دیا ہے کہ ویتنامی سفیر اور اہلیہ کے درمیان ناراضگی چل رہی تھی۔
