ننکانہ صاحب: (دنیا نیوز) ننکانہ صاحب میں بابا گورونانک کے 555 ویں جنم دن کی تقریبات کا دوسرا روز، دنیا بھر سے ہزاروں سکھ یاتری نے اپنی مذہبی رسومات ادا کیں۔
گوردوارہ جنم استھان سے نکلنے والا نگر کیرتن اختتام پذیر ہوگیا، نگر کیرتن گوردوارہ کیارہ صاحب سے واپس گوردوارہ جنم استھان پہنچا، سکیورٹی کے انتہائی سخت انتظامات کئے گئے، کمشنر لاہور اور آر پی او کا ننکانہ صاحب نے دورہ کیا اور نگر کیرتن جلوس کے روٹ کا معائنہ کیا۔
ڈی سی دفتر میں مرکزی کنٹرول روم کا بھی دورہ کیا، سیف سٹی اتھارٹی کے دفتر میں جلوس کی مانیٹرنگ کے عمل کا جائزہ بھی لیا۔
