سیہون: (دنیا نیوز) سیہون میں مسافر کوچ اور کار میں تصادم سے 3 افرادجاں بحق ہوگئے۔
مقامی پولیس نے بتایاکہ حادثہ انڈس ہائی وے روڈ پر پیش آیا، حادثے میں 4 افراد زخمی بھی ہوئے، حادثہ تیز رفتاری کے دوران اوور ٹیک کرتے ہوئے پیش آیا، کار حیدر آباد سے سیہون اور کوچ پشاور سے کراچی کی طرف جارہی تھی۔
حادثے کی اطلاع پر پولیس کی بھاری نفری اور امدادی ٹیمیں موقع پر پہنچ گئیں، جاں بحق ہونے والے افراد اور زخمیوں کو ہسپتال منتقل کر دیا گیا، پولیس نے حادثے کی تفتیش شروع کردی۔
