اوکاڑہ: (دنیا نیوز) موٹرسائیکل اور رکشہ میں تصادم سے 2 افراد جاں بحق جبکہ 3 زخمی ہوگئے۔
افسوسناک حادثہ نواحی علاقے موضع جتھیالہ نزد بنگلہ گوگیرہ کے قریب پیش آیا جہاں تیز رفتار موٹرسائیکل اور رکشہ میں تصادم ہوگیا، حادثے میں 2 افراد موقع پر دم توڑ گئے جبکہ 3 شدید زخمی ہوگئے۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق افراد کی لاشوں اور زخمیوں کو ہسپتال منتقل کردیا گیا۔
ریسکیو ذرائع کے مطابق حادثہ تیز رفتاری اور لاپرواہی کے باعث پیش آیا، جاں بحق افراد کی لاشوں کو ضروری کارروائی کے بعد لواحقین کے حوالے کردیا گیا۔
