احمد پور شرقیہ: (دنیا نیوز) تیز رفتار بس کی ٹکر سے موٹرسائیکل سوار 2 افراد جاں بحق ہوگئے۔
افسوسناک حادثہ پل فاروق آباد کے قریب پیش آیا جہاں تیز رفتار بس نے موٹرسائیکل کو بری طرح کچل ڈالا، حادثے میں موٹرسائیکل پر سوار دونوں افراد موقع پر دم توڑ گئے۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق ہونے والے دونوں کزن تھے جو بٹھے پر مزدوری کرکے گھر واپس جارہے تھے۔
پولیس ذرائع کے مطابق جاں بحق افراد کی لاشیں ضروری کارروائی کے بعد ورثاء کے حوالے کردی گئیں۔
