شہدادکوٹ: (دنیا نیوز) محکمہ سکولز ایجوکیشن نے کارروائی کرتے ہوے پرائمری سکولوں کے 44 گھوسٹ اساتذہ کو نوکری سے برطرف کر دیا۔
برطرفیوں کے آرڈرز ڈائریکٹر سکولز ایجوکیشن لاڑکانہ خلیل مہر نے جاری کئے، برطرف ہونے والوں میں 29 مرد اور 15 خواتین اساتذہ شامل ہیں، برطرف اساتذہ سال 2023ء اور 2024ء کو ڈیوٹی سے غیر حاضر رہے، گھوسٹ اساتذہ کو 31 جنوری کو حتمی شوکاز نوٹسز جاری کئے گئے تھے۔
حکام کے مطابق 18 فروری تک موقع دینے کے باوجود شوکاز کے جوابات جمع نہ کرانے والے اساتذہ کو برطرف کیا گیا۔
