اسلام آباد: (دنیا نیوز) وزیراعظم شہباز شریف نے پوپ رابرٹ پریوسٹ کی تقرری پر دنیا بھر کی مسیحی برادری کو مبارکباد پیش کی ہے۔
سوشل میڈیا پر جاری بیان میں وزیراعظم شہباز شریف کا کہنا تھا کہ پوپ کے انتخاب کا تاریخی لمحہ دنیا کے کروڑوں مسیحی عوام کے لئے امید کا نیا باب ہے۔
انہوں نے کہا کہ پاکستان بین المذاہب ہم آہنگی، باہمی احترام، امن و انسانی وقار کے فروغ کے مشترکہ مقصد کیلئے پرعزم ہے۔
یاد رہے کہ ویٹیکن میں کیتھولک مسیحیوں کے نئے روحانی پیشوا کا انتخاب ہو گیا ہے، رابرٹ پریووسٹ کیتھولک مسیحیوں کے نئے پوپ منتخب کر لئے گئے ہیں۔
