مظفرآباد: (دنیا نیوز) گاڑی کھائی میں گرنے سے ایک ہی خاندان کے 3 افراد جاں بحق جبکہ 8 زخمی ہوگئے۔
افسوسناک حادثہ مظفرآباد میں ہٹیاں بالا کے مقام پر پیش آیا جہاں گاڑی بے قابو ہوکر گہری کھائی میں جاگری، حادثے میں ایک ہی خاندان کے 3 افراد جاں بحق جبکہ 8 شدید زخمی ہوگئے۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق افراد کی لاشوں اور زخمیوں کو ہسپتال منتقل کردیا گیا۔
