چنیوٹ: (دنیا نیوز) چنیوٹ میں تیز رفتار کار بے قابو ہو کر الٹ گئی جس کے نتیجے میں 2 افراد جاں بحق ہوگئے۔
ریسکیو حکام نے بتایا کہ افسوسناک واقعہ پنجاب کے شہر چنیوٹ میں اڈا باہیوال کے قریب پیش آیا، حادثے میں خاتون سمیت 2 افراد جاں بحق ہوئے جبکہ 3 زخمی ہیں۔
حکام کے مطابق مسافر وین سرگودھا سے فیصل آباد جا رہی تھی، مرنے والے تمام افراد وین میں سوار تھے تاہم زخمیوں کو مختلف ہسپتالوں میں متنقل کر کے میڈیکل ایمرجنسی نافذ کر دی گئی۔
وزیر اعلیٰ پنجاب مریم نواز نے چنیوٹ کے قریب ٹریفک حادثے میں قیمتی انسانی جانوں کے ضیاع پر افسوس کا اظہار کرتے ہوئے زخمی مسافروں کو علاج کی بہترین سہولیات مہیا کرنے کی ہدایت جاری کر دی۔
