اسلام آباد:(دنیا نیوز) رہنما مسلم لیگ(ن)افنان اللہ خان نے کہا کہ کسی کواسلام آباد میں جتھے لانے کی اجازت نہیں دی جاسکتی۔
دنیا نیوز کے پروگرام ’’دنیا مہر بخاری کے ساتھ‘‘میں گفتگو کرتے ہوئے افنان اللہ خان کا کہنا تھا کہ ہمیشہ کوشش کی معاملات مذاکرات سےحل کیےجائیں، تالی ایک ہاتھ سےنہیں دونوں ہاتھ سےبجتی ہے،پی ٹی آئی والوں کا لیڈرکرپشن کرتے ہوئے پکڑا گیا ہے، مذاکرات کا ماحول بنانا تحریک انصاف کی زیادہ ذمہ داری ہے۔
انہوں نے کہا کہ ہم کسی صورت ریاست کی رٹ کوچیلنج نہیں ہونےدیں گے، کسی کواسلام آباد میں جتھے لانے کی اجازت نہیں دی جاسکتی، تحریک انصاف نےدھرنےکےدوران پارلیمنٹ پرحملہ کیا، تحریک انصاف انتشارکی سیاست سے باہر نکلے۔
رہنما مسلم لیگ (ن) کا مزید کہنا تھا کہ فائنل کال کےبعد ان کی یہ کال بھی گزرجائےگی، بانی پی ٹی آئی کے بیٹے برطانوی شہری ہے، ہم کسی برطانوی شہری کو انتشار پھیلانے کی اجازت نہیں دیں گے، ان کی خواہش ہے عمران خان کو جیل سے نکال کروزیراعظم بنا دیا جائے۔
