لاہور: (دنیا نیوز) پنجاب اسمبلی میں اپوزیشن کے 26 ارکان کی معطلی کے معاملے پر مذاکراتی کمیٹی کا تیسرا دور کل (17 جولائی) کو ہوگا۔
اس حوالے سے پنجاب اسمبلی سیکرٹریٹ نے باقاعدہ نوٹیفکیشن جاری کر دیا ہے۔
جاری کردہ نوٹیفکیشن کے مطابق 19 رکنی مذاکراتی کمیٹی کل مذاکرات کا تیسرا دور کرے گی، مذاکراتی سیشن 4 بجے منعقد ہوگا۔
کمیٹی کے ممبران میں وزیر خزانہ مجتبیٰ شجاع الرحمن، وزیر صحت خواجہ سلمان رفیق، سمیع اللہ خان، رانا محمد ارشد، وزیر صنعت چودھری شافع شامل ہیں، سید علی حیدر گیلانی، چودھری افتخار چھچھر، راحیلہ خادم حسین، امجد علی جاوید، احمد اقبال اور شعیب صدیقی بھی کمیٹی کا حصہ ہیں۔
کمیٹی میں اپوزیشن کے ملک احمد خان بھچر، اعجاز شفیع، معین ریاض، رانا شہباز، علی امتیاز وڑائچ شامل ہیں۔
