لاہور: (دنیا نیوز) وزیر اعلیٰ مریم نواز شریف نے بورڈ امتحانات کے پوزیشن ہولڈر بچوں کو مبارکباد دی ہے۔
سماجی رابطے کی سائٹ ایکس پر اپنے پیغام میں مریم نواز شریف نے کہا کہ شاباش تمام بورڈ امتحانات میں اعلیٰ نمبر حاصل کرنے والے ذہین طلبا و طالبات کو دل کی گہرائیوں سے مبارکباد۔
مریم نواز شریف نے کہا کہ دسویں جماعت کے امتحانات میں پنجاب بھر میں مشترکہ طور پر حرم فاطمہ (قصور) ایک سرکاری سکول ٹیچر کی فخر کی علامت بیٹی نے پہلی پوزیشن حاصل کی۔
— Maryam Nawaz Sharif (@MaryamNSharif) July 24, 2025
وزیراعلیٰ پنجاب نے کہا کہ ہارون حمید (لودھراں) کے رہائشی سرکاری کالج پروفیسر کے صاحبزادے نے پنجاب بھر میں پہلی پوزیشن حاصل کی ہے۔
مریم نواز شریف نے کہا کہ بچوں کی محنت اور لگن نے آج آپ کو اس مقام تک پہنچایا ہے، پوزیشن ہولڈر بچوں کے والدین کو بھی خراج تحسین پیش کرتی ہوں جن کی مسلسل رہنمائی اور حوصلہ افزائی کے ساتھ رہی۔
وزیراعلیٰ پنجاب نے کہا کہ میں سب کو یقین دلاتی ہوں کہ امتحانات میں میرٹ کو ہمیشہ فروغ دیا جائے گا اور کبھی سمجھوتہ نہیں ہوگا، پوزیشن ہولڈرز ہی ہمارے وطن کا مستقبل ہیں،شاباش۔
