لاہور:(دنیا نیوز) پنجاب انسٹی ٹیوٹ آف کارڈیالوجی (پی آئی سی) لاہور کے ڈاکٹر ہاسٹل میں آگ لگ گئی، کئی ڈاکٹر جھلس کر زخمی ہو گئے۔
ریسکیو ذرائع کے مطابق واقعہ کی اطلاع ملنے پر فائربریگیڈ کی ٹیمیں موقع پر پہنچ گئیں جنہوں فوری کارروائی کرتے ہوئے آگ پر قابو پا لیا اور مزید نقصان سے بچا لیا۔
دوسری جانب ایم ایس پی آئی سی بھی جائے وقوعہ پر پہنچ گئے ان کا کہنا تھا کہ آتشزدگی کے اِس واقعہ کی وجوہات معلوم نہیں ہو سکیں جب کہ ہاسٹل میں آگ لگنے سے ہسپتال ملازم محمد حارث سمیت 10 سے زائد زخمی ڈاکٹرز کو سروسز ہسپتال منتقل کر دیا جائے جہاں اُن کا علاج ومعالجہ جاری ہے۔
ایم ایس ڈاکٹر عامر رفیق بٹ کا مزید کہنا تھا کہ ریسکیو اہلکاروں نے ہاسٹل کے کمرے میں پھنسے دو افراد کو بحفاظت نکال لیا اور آگ پر قابو پا لیا ہے، اب کولنگ کا عمل جاری ہے۔
