کوئٹہ: (دنیا نیوز) وزیراعلیٰ بلوچستان سرفرازبگٹی سے رکن قومی اسمبلی نوابزادہ میر جمال رئیسانی نے ملاقات کی۔
وزیراعلیٰ بلوچستان سرفرازبگٹی اور نوابزادہ میر جمال رئیسانی نے ملاقات کے دوران بلوچستان میں امن و امان کی صورتحال، نوجوانوں کی ترقی اور صوبے کے عوامی فلاحی منصوبوں سمیت مختلف اہم امور پر تبادلہ خیال کیا۔
وزیراعلیٰ بلوچستان سرفراز بگٹی نے کہا کہ صوبے میں امن و امان کی بہتری کے لئے مؤثر اقدامات جاری ہیں، عوام کے جان و مال کے تحفظ کو ہر صورت یقینی بنایا جائے گا، نوجوانوں کی ترقی اور انہیں بہتر مواقع فراہم کرنا حکومت کی ترجیحات میں شامل ہے۔
نوابزادہ میر جمال خان رئیسانی نے کہا کہ بلوچستان کی ترقی اور عوامی خوشحالی کے لئے مشترکہ کوششیں وقت کی ضرورت ہیں۔