قصور: (دنیا نیوز) دریائے ستلج میں گنڈا سنگھ والا کے مقام پر درمیانے درجے کا سیلاب آگیا۔
ترجمان پی ڈی ایم نے پنجاب کے مطابق دریائے ستلج میں گنڈا سنگھ والا کے مقام پر پانی کی سطح میں اضافہ ہو رہا ہے، انتظامیہ و ریسکیو اداروں کو الرٹ رہنے کی ہدایات کر دی گئی، دریائے ستلج گنڈا سنگھ والا کے مقام پر پانی کا بہاؤ 95 ہزار کیوسک ہے۔
ڈی جی عرفان علی کاٹھیا نے بتایا کہ قصور میں سیلاب کے باعث متاثرہ علاقوں میں 17 ریلیف کیمپس قائم کئے گئے ہیں، ریلیف کیمپس میں ادویات، اینٹی سنیک ویکسین، صاف پانی اور کھانا جیسی سہولیات کو یقینی بنایا جارہا ہے۔
ڈی جی پی ڈی ایم اے کے مطابق حساس مقامات پر شہریوں کے انخلاء کے لئے 298 گاڑیاں تعینات کی گئی ہیں، سیلابی صورتحال سے نمٹنے کے لئے 13 او بی ایم بوٹس، 16 لائف رنگز، 210 لائف جیکٹس اور دیگر ریسکیو ایکوئپمنٹ فیلڈ میں موجود ہے۔
ڈی جی پی ڈی ایم نے مزید بتایا کہ دریائے ستلج میں 80 ہزار تک نچلے درجے کا سیلاب ہے، 1 لاکھ 20 ہزار تک درمیانے جبکہ 1 لاکھ 75 ہزار کیوسک تک اونچے درجے کے سیلاب کا باعث بن سکتا ہے۔